دامەزراوەی میدیایی برەو

ئێران و عومان لەسەر گەروی هورمز ڕێکەوتن

A بڵاوکراوەتەوە لەلایەن Admin

August 16, 2026 08:46 PM 93 بینینەکان

هاوبەشکردن:

ئێران و عومان لەسەر گەروی هورمز ڕێکەوتن

ئێران ڕۆژی شەممە ڕایگەیاند كە لەگەڵ عومان گەیشتوەتە ڕێككەوتن لەسەر نەخشەی كەشتیوانی دەریایی بۆ گەرووی هورمز.

ئیسماعیل بەقایی وتەبێژی وەزارەتی دەرەوەی ئێران ڕایگەیاند "سەرەڕای ئاستەنگەكانی ئەمریكا، دانوستانەكانی نێوان ئێران و عومان پێشكەوتنی ئەرێنی و جێگیری بەخۆیەوە بینیوە، هەروەها ڕێككەوتن لەسەر نەخشەی كەشتیوانی دەریایی بۆ گەرووی هورمز كراوە".

بەقایی ئەو ڕێككەوتنەی بە "بەرهەمی هاوكاریی دامەزراوەیی هاوبەشی نێوان دەزگا جۆربەجۆرەكانی دەوڵەت بە سەرۆكایەتی وەزارەتی دەرەوە و بە بەشداری چالاكانەی كەرتەكانی بەرگری و ئاسایش و ژینگەی وڵات" زانی.

ناوبراو لە كۆنگرەیەكی ڕۆژنامەوانیدا وتی: وەك دەوڵەتێكی كەنار دەریا، لە مێژە دەستمان بە دانوستان لەگەڵ عومان كرد بۆ دیاریكردنی ڕێگایەكی سەلامەت بۆ گەشتە دەریاییەكان لە ڕێگەی گەرووی هورمزەوە، شتێك كە دەبوو لە هەر حاڵەتێكدا بەدەست بهێنرێت.